Пра нас

Хто мы

Psiphon Inc. - кампанія з Таронта, якая стварыла шмат-платфорную праграму з адкрытым зыходным кодам, што дапамагае больш чым 3 мільёнам людзей штотыдзень атрымліваць доступ да змесціва ў інтэрнэце. Мы - каманда, скіраваная на прадастаўленне найлепшага праграмнага забеспячэння, на рэгулярны ўвод новых прадуктаў і на развіццё ў адпаведнасці з патрэбамі нашай аўдыторыі ва ўсім свеце, якая пастаянна пашыраецца.

Кіраўніцтва

Майкл Халл (Michael Hull) - прэзідэнт Psiphon Inc. З Psiphon - ад самага пачатку, калі гэта быў праект Лабараторыі грамадзянства (Citizen Lab), Універсітэт Таронта. Ад тых часоў ён кіраваў намаганнямі па распрацоўцы праграмнага забеспячэння і спрыяў інавацыйнаму развіццю, якое трымае Psiphon на пазіцыях лідарства ў сваёй справе.

Распрацоўка праграмнага забеспячэння

Мы ў Psiphon хочам, каб нашы карыстальнікі добра сябе адчувалі. Гэта азначае, што наша праграмнае забеспячэнне павінна быць простым ў выкарыстанні, наша сетка павінна быць хуткай, і першае, і другое павінны быць непарушна стабільным. Гэтага цяжка дасягнуць любым распрацоўшчыкам, а асабліва, калі ваша праграма павінна працаваць у антаганістычным асяроддзі, якое пастаянна змяняецца, на шматлікіх мовах і платформах.

Мы таксама ведаем, што не менш важна ўпарта працаваць для нашых карыстальнікаў за кулісамі. Мы ў самай высокай ступені абараняем нашых карыстальнікаў і іх даныя. Карыстальнікі могуць і не заўважаць нашы захады па забеспячэнні іх бяспекі і канфідэнцыяльнасці, але мы ведаем, што яны іх цэняць.

Каманда распрацоўшчыкаў праграмнага забеспячэння Psiphon імкнецца прадаставіць найлепшыя, найхутчэйшыя, найпрасцейшыя і найбольш адкрытыя шляхі абыходу абмежаванняў. Мы таксама вывучаем новыя сферы, дзе наш досвед даможа абараніць, узмацніць і зрабіць карыстальнікаў па ўсім свеце больш свабоднымі.

Дзейнасць і інфармацыйная падтрымка

У нас заключаны кантракты з шэрагам кампаній, ад буйных міжнародных вяшчальнікаў да невялікіх праваабарончых арганізацый, якія дзейнічаюць толькі ў сваіх краінах. Наша каманда па дзейнасці і інфармацыйнай падтрымцы збірае справаздачы, якія паказваюць, як шмат людзей карыстаюцца Psiphon дзякуючы кампаніям па распаўсюдзе. Яны даследуюць тэндэнцыі і адсочваюць падзеі, якія могуць паўплываць на свабодную плынь інфармацыі ў інтэрнэце.

Партнёрствы

Psiphon works closely with various groups to provide support and advice to people using Psiphon wherever they are. We have translations for our software in dozens of languages, and are adding more to our products through Transifex, with the help of the Localization Lab.

Сувязь з намі

Вы можаце звязацца з Psiphon, адправіўшы нам ліст на адрас:

info@psiphon.ca

Атрымаць апошнюю інфармацыю пра Psiphon

Далучыцеся да спісу нашых рассылак: